काठमाडौं — नेपाली मिश्रित मार्सल आर्ट्स (एमएमए) स्टार रवीन्द्र ढाँट आज ‘Road to UFC Season 5’ को बान्टमवेट सेमिफाइनलमा प्रतिस्पर्धा गर्दैछन्।
चीनको सांघाई इन्डोर स्टेडियममा हुने महत्वपूर्ण भिडन्तमा ढाँटले न्युजिल्यान्डका अपराजित फाइटर कासिब मर्डोकको सामना गर्नेछन्। ढाँटको व्यावसायिक रेकर्ड १० जित र एक हार छ भने मर्डोकले आठवटै खेलमा जित हासिल गरेका छन्।
यसअघि क्वार्टरफाइनलमा फिलिपिन्सका किम्बर्ट अलिन्टोजनलाई दोस्रो राउन्डमा टीकेओ गर्दै ढाँट सेमिफाइनलमा पुगेका थिए। मर्डोकले जापानका युनोसुके मिनामीलाई सबमिसनमार्फत पराजित गर्दै अन्तिम चारमा स्थान बनाएका हुन्।
यो खेल दुवै खेलाडीका लागि महत्वपूर्ण मानिएको छ। विजेता ‘Road to UFC’ को बान्टमवेट फाइनलमा प्रवेश गर्नेछ र प्रतिष्ठित यूएफसी सम्झौता प्राप्त गर्ने सम्भावनाको थप नजिक पुग्नेछ।
यूएफसीको आधिकारिक तालिकाअनुसार कार्यक्रम नेपाली समयअनुसार शुक्रबार दिउँसो २:४५ बजे सुरु हुनेछ। रवीन्द्र ढाँटको व्यक्तिगत फाइट भने प्रारम्भिक खेलहरूको अवधि र नतिजाअनुसार दिउँसो करिब ४:१५ देखि ५:३० बजेको बीचमा सुरु हुने अनुमान गरिएको छ। अगाडिका खेलहरू छिटो वा ढिलो सकिएमा ढाँटको फाइट समय पनि परिवर्तन हुन सक्छ।
नेपाल तथा अमेरिकामा कार्यक्रम र फाइटको समय:
➡️ नेपाल कार्यक्रम सुरु: अगस्ट २८, दिउँसो २:४५ बजे ढाँटको अनुमानित फाइट: दिउँसो ४:१५–५:३० बजे
➡️ न्युयोर्क तथा पूर्वी अमेरिका — Eastern Time कार्यक्रम सुरु: अगस्ट २८, बिहान ५:०० बजे ढाँटको अनुमानित फाइट: बिहान ६:३०–७:४५ बजे
➡️ टेक्सास/डलास तथा मध्य अमेरिका — Central Time कार्यक्रम सुरु: अगस्ट २८, बिहान ४:०० बजे ढाँटको अनुमानित फाइट: बिहान ५:३०–६:४५ बजे
➡️ कोलोराडो तथा Mountain Time कार्यक्रम सुरु: अगस्ट २८, बिहान ३:०० बजे ढाँटको अनुमानित फाइट: बिहान ४:३०–५:४५ बजे
➡️ एरिजोना कार्यक्रम सुरु: अगस्ट २८, बिहान २:०० बजे ढाँटको अनुमानित फाइट: बिहान ३:३०–४:४५ बजे
➡️ क्यालिफोर्निया तथा पश्चिमी अमेरिका — Pacific Time कार्यक्रम सुरु: अगस्ट २८, बिहान २:०० बजे ढाँटको अनुमानित फाइट: बिहान ३:३०–४:४५ बजे
➡️ अलास्का कार्यक्रम सुरु: अगस्ट २८, बिहान १:०० बजे ढाँटको अनुमानित फाइट: बिहान २:३०–३:४५ बजे
➡️ हवाई कार्यक्रम सुरु: अगस्ट २७, राति ११:०० बजे ढाँटको अनुमानित फाइट: अगस्ट २८, राति १२:३०–१:४५ बजे
अमेरिकामा प्रतियोगिताको प्रत्यक्ष प्रसारण UFC Fight Pass मार्फत हेर्न सकिनेछ। समय परिवर्तन हुन सक्ने भएकाले दर्शकलाई निर्धारित समयभन्दा अगाडि नै प्रत्यक्ष प्रसारणमा जोडिन सुझाव दिइएको छ।
